মুখ্য পৃষ্ঠা
06/04/2515:32
"প্ৰেমৰ কবিতা "
বাঁহীৰ মাত শুনি মোৰ কনেঙ জনী
ৰবকে নোৱাৰে নাচে হালি-জালি |
কহুঁৱা-বিৰিণা মলয়াত হালে-জালে
কনেঙৰ নাচোনৰ তালে-তালে ;
অভিমানী মলয়া জাক আহি
কনেঙৰ ৰিহাৰ আঁচল উৰুয়াই নিয়ে |
লুইতৰ পাৰতে ঘৰ সাজিছোঁ
ইকৰাই গাঠিছোঁ চাল ;
কনেঙ আহিব বুলি আশা বুকুত লৈ
নাৱঁত বান্ধিছোঁ শুকুলা পাল |
লুইতৰ বুকুয়েদি ভটিয়াই যামেগৈ
যদি নাহে কনেঙ মোৰ কাষলৈ ;
ৰিঙিয়াই মাতিলেও উলটি নাচাওঁ
নাপাব কোনোদিন বাঁহীৰ সুৰ
শুনিবলৈ !
বাঁহীৰ মাত শুনি মোৰ কনেঙ জনী
ৰবকে নোৱাৰে নাচে হালি-জালি |
© ৰাজু কলিতা
10/11/14
